ISLAMIC PUBLISHING

Үрүҥ күн  сылыппат буолуон хайдах да сатамматын кэриэтэ, киһиэхэ барытыгар тапталынан сыһыаннаһар ыраас дууһалаах,  дириҥ итэҕэллээх киһи аһыныгаһа суох буолара эмиэ адьас табыллыбат. Барыттан Бары Үрдүк бэйэтин айбыттарыгар муҥура суох тапталынан аһынан-харыһыйан туран сыһыаннаһарын ис дууһанан өйдөөн ылыммыт,  олохторун бүттүүнүн итэҕэлгэ анаабыт дьон туох баар тыынар тыыннаахха таҥара курдук аһыныгас  үтүө сиэри, быһыыны- майгыны  иҥэринэн, үйэлэрин тухары таҥара айбыттарын бука барыларын үтүө доҕотторунан хаалыахтара.

Бу кинигэни кытары эһиги атын дьиктилээх эйгэлэргэ кэрэхсэбиллээх айаны оҥоруоххут! Эһиги Айбыт киһини сөхтөрөр-умсугутар улууканнаах уран айыытын, төһө даҕаны уһуннук, кэрэхсээн одууласпыт иһин, син биир тарда, умсугута турар сүдү хартыыналарын дуоһуйа-астына анааран көрүөххүт! Бу кинигэни аахпыккыт кэннэ тулалыыры барытын букатын атын хараххытынан саҥалыы сонургуу, дьиктиргии көрүөххүт! Эһиги күҥҥэ уонна ууга сыһыаҥҥыт уларыйыа. Күн аайы хаамар сиргитин уонна эһигини бэйэлэрин күлүктэригэр саһыаран сөрүүкэтэ суугунуур мастары эмиэ адьас атыннык көрүөххүт. Халлаан урсунугар тэлээрэр көтөргө, муора уутугар чалымныы устар балыкка, соруктаах үлүгэрдик тиэтэйэр-саарайар кыракый үөҥҥэ-көйүүргэ таҥара дьиктитин өйдөөн-дьүүллээн көрөн кэрэхсиэххит...

,,Маснави,, быданнааҕыта суруллуоҕуттан бу билиҥҥи биһи кэммит күннэригэр диэри аҕыс үйэ тухары аан дойду үрдүнэн кэрэхсэнэн ааҕыллар кинигэ быһыытынан биллэр.
Бэрт элбэх омук тылыгар тылбаастанан тарҕанна, бу айымньыларга араас быһаарыылар, ырытыылар, тойоннооһуннар сурулуннулар.
,,Маснави,, төһөнөн үөрэтэр-такайар, сүбэ-ама буолар суолталааҕый - соччонон сиэргэ-майгыга, итэҕэли тутуһарга, духуобунай эйгэҕэ сирдьит буолар оруоллаах.