ISLAMIC PUBLISHING

Бул китепте Ислам дининдеги негизги ибадат болуп эсептелген намаз тууралуу маалымат берилип, намаздын окулушу сүрөттөрү менен түшүндүрүлгөн. Ошондой эле жума намазы, айт намаздары, жаназа намазы жана айрым нафил намаздар тууралуу да маалымат берилген.

Жаш окурмандарга арналган бул китепте Ислам динибиз тууралуу баштапкы зарыл маалыматтар камтылган. Маалыматтар бөлүмдөргө бөлүнүп ыңгайлаштырылып берилди жана кызыктуу аңгемелер, сүрөттөр китептин өзгөчөлүгүн арттырат. Китептеги маалыматтардан жаш окурмандардын эффективдүү билим алышы үчүн (тест) суроо - жооп бөлүмдөрү түзүлгөн.

Жаш окурмандарга арналган бул китептин биринчи бөлүмүндө Ислам динибиздеги ибадат, мусулмандын милдети жана жоопкерчилиги, тазалык, даарат, гусул, таямумм, намаз тууралуу баштапкы зарыл маалыматтар камтылган болсо, колуңуздардагы китептин экинчи бөлүмүндө ыйык рамазан айы жана орозо ибадаты, зекет берүү, ажылыка баруу, курмандык чалуу тууралуу баштапкы зарыл болгон маалыматтарды камтуу менен бирге Ислам динибиздин беш шартын жаш окурмандарыбызга жеткиликтүү түшүндүрүп берүүгө аракет кылдык. Маалыматтар бөлүмдөргө бөлүнүп ыңгайлаштырылып берилди жана кызыктуу икаялар, аңгемелер, сүрөттөр китептин өзгөчөлүгүн арттырат. Китептеги маалыматтардан жаш окурмандардын эффективдүү билим алышы үчүн (тест) суроо - жооп бөлүмдөрү түзүлгөн.

Бул китепте деизм, анын пайда болушунун себептери, негизги идеалары изилденип, Ислам дининин баалуулуктарынын негизинде деизмдин дооматтарына берилген жооптор камтылган.

Бул китепте Азирети Мухаммед пайгамбар жана ыйык китеп Кураны Карим тууралуу маалымат берилген. Китеп жалпы окурмандарга арналат.

Жаш окурмандарга арналган бул китепте үлгүлүү жүрүм-турумдар менен байланыштуу аңгемелер берилген. 

Бул китепте Ислам дини тууралуу баштапкы маалыматтар жеткинчек курактагы балдарга ылайыкташтырып берилген. Маалыматтар кызыктуу оюндар, табышмактар жана сүрөттөр менен коштолот.

Бул китепте Ислам дини тууралуу баштапкы маалыматтар жеткинчек курактагы балдарга ылайыкташтырып берилген. Маалыматтар кызыктуу оюндар, табышмактар жана сүрөттөр менен коштолот.

Бул эмгекте коомдун жүрөгүн өйүгөн жара катары ысырап тууралуу маалымат берилип, аны бир гана материалдык мал-байлык менен чектебестен, ыйман, ишеним жана ибадат менен кошо убакытта, илимде, адеп-ахлактык баалуулуктарда, ой жүгүртүүдө, күнүмдүк керектөөлөр жана сарптоодо, ден соолук жана жеп-ичүүдөгү ысыраптан сөз кылынган.

Бул эмгекте туура ой-жүгүртүүгө ачкыч боло алган өзгөчөлүктөр жана ыкмалар берилген. Мында, Алланын улуулугу, чеберчилиги, кудурети, ааламдагы ирээттүүлүк тууралуу жана Ыйык Курандын бүтүндөй ааламдардын жаратуучусу болгон Алла Тааланын сөзү экендигин тастыктаган мужизалардан мисалдар келтирилди. Адамзаттын жаралуусунун себепчиси, инсаният бакчасынын жалгыз, өз¬гөчө гүлү жана аалам сыймыктанган пайгамбарыбызга (саллаллаху алейхи ва саллам) болгон сүйүү жана аны ээрчүүнүн өзүбүздүн бактыбыз үчүн маанилүү экендиги айтылган.

Пайгамбарыбыздын (с.а.в.) мурасы катары саналган ыйык хадистердин кутман сахабалар менен бирге табииндер жана андан кийинки келген муундар тарабынан жатталып жана жазылып, сакталып келгендиги айдан ачык. Ислам аалымдары, Куранды тафсирлеген (чечмелеп түшүндүргөн), ошону менен бирге, кийинки келген бардык мусулмандардын да билүүсү зарыл экендигин эске алып, Пайгамбарыбыздын (с.а.в.) мурасынын кийинки доорлорго эң ишенимдүү түрдө жетүүсү үчүн өзгөчө усул-ыкмалар иштеп чыгышкан. Мына ошол өзгөчө ыкмалар “хадис усулу” же болбосо “улумуль-хадис” деп аталат. Тагыраак айтканда, хадис усулу – бул, Пайгамбарга таандык маалыматтардын туура жеткирилиши. Бул эмгек теология жана дин таануу факультеттеринде, ошондой эле диний билим берүүчү жогорку окуу жайларда окугандар үчүн окуу куралы катары даярдалды.

Ишеним окуусу дисциплинасы боюнча окуу куралы жогорку билим берүүнүн мамлекеттик стандартынын негизиндеги окуу программасына ылайык теологиялык жогорку билим берүү программасынын студенттерине арналып даярдалды. Окуу куралында ислам ишеним негиздери, ага тиешелүү принциптер жана аларды окуп үйрөнүүнүн тартиби тууралуу маалымат берилет. Бул окуу куралы окутуучуларга, илимий кызматкерлерге, студенттерге жана жалпы окурмандарга сунушталат.