ISLAMIC PUBLISHING

Қуръони Карим бутун инсоният учун умумбашарий қўлланма бўлиб, ҳар бир инсонни фоний ва боқий дунёда фаровонликка етаклайди. Охирги илоҳий китобнинг бир қисми пайғамбар ва набийлар ҳақидаги ривоятлар бўлиб, улар Қуръони Каримнинг учдан бир қисмини ташкил қилади.
Бу китобда Қуръони Каримда исмлари зикр этилган барча пайғамбарларнинг таржимаи ҳоллари келтирилган, пайғамбарлик мўъжизалари баён этилган, уларнинг муборак ҳаёти ва вазифаларидан келиб чиқадиган ҳикматлар ҳақида сўз юритилган.

Исроф фақатгина мол-мулкни меъёрсиз сарфлаб зое қилиш эмас. У ҳаётнинг барча жабҳалари билан боғ- лиқдир.
Шуни яхши билиб олишимиз керакки, еб-ичишда ва кийинишда ҳаддан ошиш, соғлик неъматидан ноўрин фойдаланиб зое қилиш, тафаккурни руҳий камолот сари эмас, нафсоний хоҳиш- истакларга йўналтириш, фойдасиз илм билан машғул бўлиш ва илмни нафсоний манфаатларга қурбон қилиш кабилар ҳам исрофдир. Айниқса тарбияда фарзандларни фақат дунёвий келажак мақсадлари йўлида маънавий тарбиядан маҳрум ҳолда етиштириш исрофларнинг энг каттаси бўлмиш “инсон исрофи”дир. 
Шунингдек, умр неъматини нотўғри йўлларда хазон қилиш, ибодатларни ихлос ва хушуъсиз адо этиб, уларнинг гўё ичини бўм-бўш қилиб (руҳиятсиз) қўйиш ҳам даҳшатли исрофдир. 
Мана шу нуқтаи назардан аввалроқ “Altınoluk” журналимизда берилган “Шундай раҳматки” деб номланган асаримизда ёритилган “Исроф” мавзуси ҳозирги кун масалалари доирасида долзарб деб топилгани ҳамда таҳририятимизга келган талаб ва таклифларга биноан мустақил китобча кўринишида сиз қадрли ўқувчиларимизга тақдим этмоқдамиз. 

Ушбуда ҳозирги кунда авж олиб бораётган атеизм, деизм каби иллатларнинг келиб чиқиши, моҳияти ва уларнинг оқибатлари ёритилган. Ҳар хил назариялар билан тўлган, ёт ғоялар тарғиб қилинаётган, шууримиз учун хавфли ва синовли давр ҳозир. Бу китоб эса айни шу ётликлардан ҳимояланишимиз, муқаддас Ислом динимизни янада чуқурроқ англашимиз ва имонимиз мустаҳкамлигини сақлашимизда ёрдам беради.
Китобда оммавий маданият ва Ғарбнинг айрим чиркин ғоялари, тарғиботлари бир қадар очиб берилган ва тушунтирилган. Биз қачон атрофимиздаги бадбинликларни англаб етсак, ўшанда уларга қарши тура оламиз, айтар сўзимиз бўлади. Атрофимиздагиларни ҳам жирканч ғоя ва тарғиблардан сақлай оламиз. Шу маънода қўлингиздаги китоб ҳам сизга манфаат беради.

Men bu dunyoga nega keldim? Allohga bandalikning asl mohiyati nima? Ilm najot manbai bo‘lmog‘i uchun nimalarga diqqat etmoq kerak? Olamlarga rahmat qilib yuborilgan Nabiyimizning axloqlari qanday edi? Ul zot biz ummatlariga nimalarni o‘rgatdilar va qoldirdilar? Hozirgi fitnalardan qanday saqlanamiz? Tasavvuf haqidagi to‘g‘ri tasavvur qanday bo‘lmog‘i lozim? Allohning do‘stlari kimlar? Ularni tanib, fayzlaridan bahramand bo‘lish uchun  nima qilmoq kerak? 
Zamonamizning yetuk olim, orif va mutafakkirlaridan Usmon Nuri To‘pbosh ushbu savollarga Mavlono diyoridan turib muborak manbalar, allomalrning fikrlari va  ko‘ngillar sultoni Jaloliddin Rumiy asarlari asosida javob beradilar. 
Ko‘ngillarga huzur baxsh etuvchi ma’rifiy suhbatga marhamat, aziz o‘quvchi!

Маънавиятга ташна, қобилиятли кишилар жами ҳодисотни ҳам ақллари, ҳам кўнгил сезгилари ила талқин қилишади. Шунинг учун бало ва мусибатлар олдида уларнинг таваккул ва қувватлари янада зиёда бўлади. Чунки тасаввуф, аввало, илоҳий тақдир тасарруфидаги ҳикмат, сирларни идрок этиш, улар орқали тасалли, хотиржамлик ва ҳаловат топишни таълим беради. Зеро, Холиқ махлуқларини шунчаки яратмаган ва ўз ҳолига ташлаб ҳам қўймайди.
Хусусан, инсонни маълум синовлардан ўтказиб, камолга, юксак мақомларга кўтаради. Қўлингиздаги асар ушбу йўлда даража ҳосил қилишда муҳим пиллапоя вазифасини ўтайди, иншааллоҳ.

Муаллифнинг китобларидан жамланган ушбу гўзал асар, асосан, таълим фидойилари учун қўлланма бўлиб хизмат қилади. Ҳар бир масала хусусида саҳифаларни тўлдириш мумкин бўлсада, барчага қулай бўлиши учун ихчам ҳолда баён этилган бу ибораларни мусулмон сифатида кундалик ҳаётимизга татбиқ этишимиз мумкин.

“Гўзал хулқ ҳикоялари” китобини ўқиш - бу орзу қилиш калитини қўлга киритиш билан баробар. Орзу қилиш эса тафаккур шаҳрининг эшигини очмоқдир. Бир-биридан қизиқарли воқеалар баён этилган бу ҳикоялардаги жирафа, қуён, шер ва ёлғиз жайлоннинг саргузаштини ўқиган болалар ака-ука ва опа-сингилларини меҳр билан қучоқлашни ўрганадилар. Бу болангизга қимматли вақтларини қизиқарли ва фойдали ҳикоялар билан ўтказиш имконини беради.

Ярми ваҳший, кўп қисми одамийликдан бехабар бўлган бир гуруҳ жоҳиллардан иборат бу инсонлар Расулуллоҳнинг зоҳирий тарбияси ва ботиний таъсири натижасида саҳоба деб аталган зотларга айландилар ва хаёлга ҳам келмайдиган мартабаларга кўтарилдилар.
Пайғамбаримиз алайҳиссаломнинг бутун умри турли хатолар, ёмонликлар ва зулмга қарши кураш билан ўтди. Хоҳ кофир, хоҳ мўмин-мусулмон бўлсин – ҳар бир инсоннинг ҳаққига риоя қилдилар. Натижада қон кўли ҳолига тушган саҳролар ҳузурбахш чаманзорларга айланди. Инсоният тарихида мисли кўрилмаган маданиятнинг тамал тоши қўйилди. Замонавий жаҳолат авж олган бугунги кунимизда адолат, марҳамат, муҳаббат ва иймон билан тўлақонли инсонликка қайтиш учун раҳмат Пайғамбарининг гўзал ахлоқидан насибадор бўлиб, Ислом ила қайта тирилишимиз зарур.

Турли мақолаларимиздан тўплаб ва баъзи янги мисолларнинг ҳам иловаси билан ёзилган ушбу китобда, у муборак аср моҳиятини яна ҳам яхши идрок қилинишини мақсад қилдик. Ушбу мақсад билан, иймон, ибодат, муомала ва ахлоқда қанчалар мухлислик уйғотувчи ривожланишнинг ҳукм сурганига доир, у асрнинг ҳисобсиз ибрат ва фазилат тасвирларидан баъзи мисоллар билан мавзумизни яна ҳам аниқ бир ҳолатга келтиришни орзу қилдик. Ушбу китоб Саодат Асри Жамиятининг исломий яшаш тарзи, иймон мустаҳкамлиги, ибодатга бўлган эътибори, бизларга ибрат бўлган гўзал аҳлоқи ҳақида маълумот беради. Инсониятни зулматдан нурга чиқарган Исломнинг тенгсиз гўзалликларини, айниқса назокат ва латофатини фақатгина Саодат Асрининг кўнгил иқлимига кира олишлик билан яқиндан ўргана олишлик мумкин бўлади. Китоб ислом тарихига қизуқувчи ва кенг китобхонлар оммасига мўлжаланган.

Мана шу қулингизда асаримизда сизларга, қуйида қисқача сўзлаганимиз мавзуларни Парвардигоримизнинг изни билан ожизона тақдим этишга харакат қилдик. Барча ғайратимиз, Аллоҳга улашишда ягона воситамиз бўлган Жаноби Пайғамбаримиз саллаллоҳу алайҳи вассалламга яқинлаша ола билишлик ва лойиқ уммат бўлишликдир. Бунинг учун эса, хар сонияда бутун умримизни Унинг Суннатига ажратмоқ, аҳлоқи билан ички дунёмизни зийнатландирмоқ, моддий ва маънавий борлиқ, қобилият ва истеъдодларимизни бу йўлда фидо қилмоқ керакдир. Саодатнинг чўққиларига эриша олмоқ фақатгина бу билан бирга мумкин бўлади. Мана шундай саодатдан насиб олмоқ нияти билан ойна мартабасидаги сахоба-и киром ва Ҳақ дўстларининг фойдали ва файзли насиҳат, рухоният ва харакат гўзалликларини қимматли ўқувчиларимизга тақдим этишга харакат қилдик.

Бу китоб сизларга тўғри таҳорат қилишни ва намоз ўқишни ўргатади. Зеро намоз Исломнинг асосий шартларидан бири хисобланади. Аллох таоло бандаларига фарз қилиб қўйган. Намоз Аллох берган хадсиз-хисобсиз неъматларга бандасининг шукронаси хамдир. Намоз ибодати туфайли кишининг Аллох наздидаги даражаси юксалади. Намозхон охират хаётига тайёргарлик кўриб боради. Турли бахоналар билан намоз ўқимай юрган киши Аллохнинг буйруғига қарши чиққан бўлади. Бу эса катта мусибатдир. Суюкли Пайғамбаримиз (саллаллоҳу алайҳи васаллам) – бизни хадис оркали огоҳлантирдилар: “Биз билан у (мушрик ва кофир)лар ўртасидаги фарқ – намоздир. Ким уни тарк этса, кофир бўлади”. Намоз ўқиш учун аввало таҳорат олиш лозим бўлади. Шуни ҳисобга олган ҳолатда китобда таҳорат ҳақида ҳам маълумот беришга ҳаракат қилдик.

Ушбу китоб 2007 йилнинг ЮНЕСКО тарафидан Мавлоно Жалолиддин Румий йили деб эълон қилиниши муносабати билан қайта нашрга тайёрланди. Мавлоно, бир иймонга чақирувчи, мохир бир кўнгил табибидир. У каби Ҳақ дўстларининг; ёмғир суви каби соф, дарёлар мисоли чуқур, туйғули, сирли ва хикматга тўла, анхор каби шаршара бўлиб оқиб кўнгилларга оби-хаёт бахш этган ифодаларига доимо мухтожмиз. Ҳазрати Мавлононинг етти юз йил аввал буюк бир иштиёқ ва жўшқинлик билан қаламга олган Маснавий Шарифи, шак-шубҳасиз ўчмас бир кўнгил асари қатори, ўша кундан бугунги кунгача кўнгилларда тахт қуриб келмоқдадир.