ISLAMIC PUBLISHING

Wanafunzi wapendwa na ndugu walimu:
Tumewatayarishia kitabu kwa jina la “Naipenda dini yangu ya Uislamu” ambacho kitatufunza kuhusu dini yetu ya Uislamu kwa njia ya hadithi, tafakuri na michezo mbalimbali.
Tumekusudia kuwapa wanafunzi wetu fursa ya kusoma kitabu hiki kwa njia ya kufurahisha na kuwawezesha walimu wetu kufanya shughuli ya ufundishaji kwa kuwashirikisha wanafunzi wao. Tunaamini lengo letu limefanikiwa. Hata hivyo, ninyi ndio mtakaotoa tathmini ya mwisho kuhusu kitabu hiki.
Sura ya kwanza inakusudia kuwawezesha wanafunzi kumfahamu zaidi Mwenyezi Mungu mtukufu na Mtume wetu (s.a.w) na dini yetu nzuri ya Uislamu.
Sura ya pili inahusisha shughuli na michezo mbalimbali. Kwa kutumia shughuli na michezo hiyo mtabaini njia bora za kufanya ibada katika dini yetu.
Katika sehemu ya tatu, tutajifunza kuhusu maadili na tabia njema zitakazotufanya tuingie peponi. Tutajifunza pia namna bora ya kuwa na maadili na tabia njema. 

Inasemekana kwamba sisi sote tuna jambo ambalo lintuunganisha na Mtume (S.A.W) katika masuala ya kiimani. Katika miili yetu kuna sehemu inayofanana na uzuri wa mtume. Hii ni neema ilioje? Si ndio?
Unafikiri ni sehemu gani ya mwili wako inafanana na ya mtume wetu? Fikiria kuhusu sehemu hiyo… Je, ni macho yako? ngozi yako? au meno yako?
Kwa hakika katika miili yetu kuna sehemu inayofanana na mtume (S.A.W)
Kitabu hiki kinaelezea sehemu ya maisha ya  Bwana Mtume (S.A.W), Kitawapa watoto wetu wa shule ya msingi wenye umri kati ya miaka 6-10 fursa ya kumjua Mtume wetu zaidi.
Kwa kitabu hiki, watoto wetu watamchukua bwana wetu kama kielelezo cha kuigwa na kitawanufaisha katika kukabiliana na matatizo yanayowakabili maishani mwao. Haya tusome!

Ili tuweze kupata sifa za juu zitakazotufanya tuwe wenye kukubaliwa mbele ya Mwenyezi Mungu, hatuna budi kustawisha upendo wa dhati kwa marafiki wa Mwenyezi Mungu na Mtukufu Mtume (s.a.w) ambaye wanampenda kwa dhati. Na yeye ndiye tunayepaswa kumfuata.

Nai (filimbi) iliyotajwa katika simulizi za Rumi, kiuhalisia, inamwakilisha mwanada mu aliyekamilika (insaan-i kaamil). Hatua ambazo filimbi huzipitia kuanzia kwenye hatua ya kumea mpaka kuwa nai kamili huelezea vizuri kukomaa kwa mwanadamu, yaani hatua hizo ni kielelezo cha hatua ambazo mwanadamu huzipitia katika kuitakasa nafsi na kuung’arisha moyo wake.

Marafiki wa Mwenyezi Mungu ni njia za Baraka na rehema kwa majirani zao. Wao ni mikono ya huruma inayoyakumbatia makundi yote ya jamii. Wao pia ni kama sumaku inayowavuta waumini kwa kuwa Mwenyezi Mungu amewapenda watu hawa wema na watu nao pia wanalazimika kuwapenda.

Watu katika zama hizo tukufu walitoka katika giza totoro la ujinga(Jahiliyyah) na kushika njia ielekeayo kwenye ustaarabu wa wema. Kupitia kitabu hiki tunajifunza maisha mema ili tuweze kuzijenga Dunia na Akhera zetu.

Ukizingatia kuwa ni mwangaza wa Muhammad(s.a.w) ndiyo unaotoa sababu ya uhai wa viumbe wote, haiwezekani kutenda haki (katika simulizi), kwa kutumia maneno haya dhalili, kuelezea maisha ya kipekee na yasiyo doa, katika binadamu aliyeheshimika, ‘kipenzi’ cha Muumba. Lakini, manufaa yasiyohesabika yanamsubiri kila mtu, kwa mazingatio ya umahiri, katika kuthubutu kuyasimulia maisha ya Mtume aliyebarikiwa, na kuzifikisha sifa zake kwa vizazi vipya. Hivyo, tutajichukulia kuwa miongoni mwa waliopewa heshima, iwapo kupitia kazi hii.

Kila mwenye akili timamu anafahamu kuwa ulimwengu huu umeumbwa kwa lengo maalum.ili kutimiza lengo Allah ameituma mitume pamoja na dini ili kuwaongoza watu. Waislamu walipoutekeleza uislamu wao imani zao zilionekana katika matendo waliokuwa wakiyatenda.Ibada zimekuwa zikitekelezwa bila kufikiriwa kanakwamba ni ada na desturi za jamii ya huku roho ya uislamu ikikosekana kabisa.Kitabu hiki kinalenga kuangaza eneo la kiroho la ibada za kiislamu na kuzipamba kwa vazi la na visa vya mitume na vmaswahaba wao na Masuffi wema.

Kitabu hiki kinaeleza umuhimu wa Sadaka na utoaji wa sadakakatika ku endeleza jamii zetu.

Himidi zote ni za Mola wetu aliyetupa heshima na furaha ya kuishi kama Waislamu!
Salama nyingi zimuendee kipenzi chetu Mtume Muhammad (s.a.w), familia yake na maswahaba zake walioishi na kuufundisha Uislamu kwa namna iliyokua bora kabisa!
Mtume wetu Mpendwa (s.a.w), alikuwa mwalimu adhimu kabisa aliyefundisha Uislamu kwa wanadamu.
Mtume huyo aliyebarikiwa, aliisoma na kuifafanua Qur’an. Na alitekeleza imani, matendo ya ibada na maadili yaliyofundishwa na Qur’an kwa namna nzuri kabisa. Baada yake, Maswahaba, shakhsia adhimu kabisa wa Uislamu na watangulizi wetu walifanya juhudi kubwa katika kuitekeleza dini hii adhimu na kuipeleka kwa vizazi vya baadaye. Na sasa, ni zamu yetu kujifunza kupitia kitabu hichi cha “TUJIFUNZE UISLMU KIDATO CHA TATU”

Mtume wetu Mpendwa (rehma na amani ziwe juu yake), alikuwa mwalimu adhimu kabisa aliyefundisha Uislamu kwa wanadamu. Kitabu alichofundisha ni Qur’an Tukufu, muujiza usiomithilika. Nasi Tujifunze Uislamu.

Mwenyezi Mungu mtukufu alimtuma mtume kuwa ni rehma ya milele kwa viumbe wote.Mtume mtukufu ndiye aliyekuwa kielelezo kamili katika kumfunda na kumlea mwanadamu kwa mifano ya kimatendo isiyokuwa na kikomo na ambayo ilishuhudiwa katika maisha yake. Bila shaka hakuna kiigizo kinachofanana nae, na mafanikio ya wanadamu ni katika kumuiga na kumfuata na kujitahidi kufungamana na shakhsia yake ikiwemo kumpenda toka nyoyoni.Mwandishi amefafanua umuhimu wa kumuiga pia ameelezea visa na hali mbalimbali za mtume mtukufu Muhammad Mustafa (s.a.w).