ISLAMIC PUBLISHING

Në këtë libër, në mënyrë të përmbledhur zënë vend njohuri të nevojshme për një familje të qetë e cila do të ndërtohet me kriteret Islame. Këtu janë shpjeguar rregullat dhe parimet e duhura për realizimin e qëllimeve të larta në një martesë dhe, në lidhje me këto, janë dhënë disa shembuj shpjegues. Gjithashtu, janë dhënë edhe shembuj nga jetët e të mëdhenjve të Islamit, e veçanërisht nga jeta e Pejgamberit (a.s.). Në këtë mënyrë, është mbajtur parasysh qëllimi për t’i siguruar lexuesve tanë të nderuar një mendim dhe botëkuptim më të qartë dhe më të pastër.

Kjo vepër e cila trajton personalitetet e zgjedhura historike që kanë shfaqur prirje dhe veçori të larta të natyrës së pastër që prej fëmijërisë së tyre, nuk është thjesht një “përmbledhje biografish”. Me anë të heronjve që autori ka përmbledhur në këtë vepër, synon t’u ofrojë lexuesve shembuj frymëzues dhe udhëzues në rrugën drejt takimit me Zotin. Në këtë vepër, janë trajtuar shkaqet themelore të fitoreve në periudhat që këta personalitete ka arritur në rrugën e Allahut dhe sebepet e mposhtjes dhe rrënimit tonë pasi devijuam nga Islami.

Islami nuk rregullon vetëm jetën fetare dhe rituale të muslimanit por ai rregullon sipas kritereve hyjnore moralin, sjelljet, detyrimet dhe të drejtat e tij në rrafshin shoqërorë, pra në të njëjtën kohë merr përsipër rregullimin marrëdhënieve shoqërore. Në këtë sistem marrëdhëniet ekonomike dhe tregtare zënë një vend shumë të rëndësishëm. Ky libër modest trajton pikërisht mënyrën si duhet t’i qaset një musliman pasurisë materiale. Çfarë kriteresh ka vendosur Islami për marrëdhëniet ekonomike? Çfarë zgjedhje i jep Islami problemeve ekonomike? Pasuria në vetvete është e keqe apo e mirë? Këto dhe shumë pyetje të tjera përpiqet të japë ky libër.

Çdo njeri përgjatë gjithë jetës gjendet në sprovë për sa i përket besimit të tij. Ai është në sprovë për sa u përket veprave të mira, marrëdhënieve me të tjerët dhe çdo lloj detyre adhurimi ndaj Zotit (xh.xh.). Është në sprovë për sa i përket moralit të lartë dhe edukatës. Është në sprovë për sa u përket amaneteve hyjnore që nuk i mbartin dot qiejt, toka dhe malet. Ai është në sprovë për sa i përket përpjekjes natë e ditë. Është në sprovë për sa i përket vëllazërisë dhe virtyteve. Është në sprovë për sa u përket sakrificave dhe gjërave prej të cilave heq dorë. Është në sprovë për sa i përket edhe edukimit dhe pjekjes së vetes, edhe për sa i përket edukimit të të tjerëve. Ky libër trajton mënyrë e edukimit profetik dhe ndikimin që pati ky edukim mbi gjithë shoqërinë Islame.

Kjo vepër modeste u shkrua për të udhëzuar të jetuarit me përpjekjen e realizimit të këtij qëllimi dhe gjithashtu me përpjekjen për t’u bërë sadopak shkak për hyrjen e të tjerëve në këtë rrugë. Temat që ceken janë një përpjekje për t’i trajtuar në fryëmën e zemrës dhe shpirtit. Libri karakterizohet nga stili i thjeshtë për ta bërë sa më të kuptueshëm për lexuesit.

Ky libër modest i vjen shpirtërave me shijën e ëmbël të bashkëbisedimit në klimën e dashurisë së të nderuarit tonë Osman Nuri Topbashit ndaj Resulullahut. Hyni edhe ju në këtë klimë dashurie dhe do të përjetoni thellësisht me zemër hadithin: “Njeriu është me atë që do.”

Ky libër është një bashkëbisedim në formë pyetje-përgjigje, e autorit me një grup të rinjësh. Libri përpiqet t’i japë përgjigje një sërë dilemash dhe çështjesh fetare, sociale dhe historike që shqetësojnë rininë e sotme. Si përshembull: Si e përkufion qytetrimi islam njeriun? Cila është struktura e shoqërisë së civilizimit Islam? Cili është edukimi dhe dija e vërtetë? Nga e ka marrë bota perëndimore dijen dhe teknikën e sotme? Cili është këndvështrimi i Islamit për barazinë gjinore? Këto dhe shumë pyetje të tjera të ngjashme përpiqet të japë përgjigje ky libër.

Ky libër përbëhet nga tema të ndryshme të botuara më parë në një revistë periodike. Libri synon të kultivojë dashurinë e Allahut dhe të bëhemi umeti i merituar i Profetit tonë (a.s.). Libri është një buqetë me lule të fresktë dhe aromë të këndshme për të gjithë ata që dëshirojnë lumturinë në këtë botë dhe botën tjetër. Është e qartë se koha në të cilën jetojmë, e bën të domosdoshme t’i shpejtojmë sa më shumë punët dhe përpjekjet në lidhje me fenë dhe botën tjetër. Për këtë arsye, e kemi për detyrë që mendjen, jetën dhe pasurinë që na ka falur Allahu, t’i shpenzojmë në rrugën e kënaqësisë së Tij, duke i kthyer në një kapital për botën tjetër. Dhe, shërbimi më i madh që mund t’i bëhet Islamit, është ta kuptojmë atë siç duhet dhe ta predikojmë duke jetuar me përsosmëri adhurimet, veprat dhe moralin që na mëson ai. Ky libër është një udhërrëfyes për përmbushjen me sukses të kësaj detyre.

Libri “Dyzet hadithe me tregime për fëmijë” është një buqetë me hadithe të zgjedhur nga Pejgamberi (a.s). Hadithet për të qenë sa më konkret për fëmijët janë të shoqëruar me tregime.

Libri që keni në dorë me titull: “Të mësojmë kushtet e besimit ” është përgatitur për të shpjeguar çështjet themelore të besimit, të cilat janë: Besimi në Allahun, besimi në engjëjt, besimi në librat, besimi në profetët, besimi në botën tjetër dhe besimi në caktimin e Zotit.

Libri “101 Hapa në Edukim shpalos parimet themelore të bazuara në traditën Islame në mënyrë shumë lakonike dhe të qartë. Libri përbën një manual të çmuar për mësuesët në rrugëtimin e tyre në edukimin e brezave të rinjë.

Në këtë libër që do të lexoni, do të gjeni shumë përgjigje për shumë pyetje, që ne i ndeshim zakonisht gjatë ditëve apo jetës tonë, përgjigje të shumë pyetjeve rreth jetës së Merjemes apo familjes së saj Imran, të zgjedhur nga Allahu i Madhëruar. Sikurse tregohet dhe në titullin “Pishtarja e Ndershmërisë, MERJEMJA, sipas Biblës dhe Kuranit Famëlartë”, libri bazohet në dijet që përmbajnë dy librat e shenjtë Bibla dhe Kurani. Në këtë libër do të gjeni gjithashtu të trajtuar dhe çështjen e profetit Isa (a.s.).