ISLAMIC PUBLISHING

ნამაზი, ის წარმოუდგენელი წყალობაა, რითაც უზენაესმა ალლაჰმა, მხოლოდ მუსლიმები დაასაჩუქრა. ნამაზი სულის საზრდო, გულის მკურნალი, ჯანმრთელობის, სიხარულისა და მხნეობის საწინდარია. ნამაზი მორწმუნის მირაჯი ცად ამაღლებაა. ის ადამიანს თავის გამჩენთან აახლოებს, სულიერად ამაღლებს და აკეთილშობილებს. ადამიანს უზენაესი ალლაჰის წინაშე იმდენი ფასი აქვს, რამდენსაც ის ნამაზს ანიჭებს. ნამაზი ჩვენი თვალის ჩინი, გულის სიხარული და სიმშვიდეა.

ამ წიგნში ნაჩვენებია, თუ როგორ უნდა შევეცადოთ, რომ ღირსი ვიყოთ იმ სიყვარულისა, რომელსაც წმინდა შუამავალი ჩვენს მიმართ განიცდიდა. მან თავისი ცხოვრება ჩვენს ამ ქვეყნიურ და საიქიო ბედნიერებას მიუძღვნა.

ავტორი ისლამის თითოეულ ბურჯს იმგვარად ხსნის, რომ შეუძლებელია მკითხველში აღფრთოვანება არ გამოიწვიოს. წიგნი გასაოცარად აღწერს შინაგან მდგომარეობას ნამაზის შესრულებასთან, ქონებასთან და სიმდიდრესთან, ადამიანებთან და ყველა ცოცხალ არსებებთან დაკავშირებით. წიგნში განხილული, ყველა საკითხის არგუმენტებად მოყვანილია ყურანის აიათები, უკეთილშობილესი მუჰამმედი შუამავლის ჰადისები, მაგალითები ისლამის უდიდესი სწავლულების ცხოვრებიდან. წიგნი რეკომენდირებულია მკითხველთა ფართო წრისთვის.

წმინდა შუამავლის (სალლალლაჰუ ალეიჰი ვე სელლემ) ცხოვრება, განკითხვის დღის დადგომამდე, ყველა ადამიანისთვის საუკეთესო მაგალითია. ამ წიგნში შეგროვებულია წმინდა მუჰამმედ შუამავლის (სალლალლაჰუ ალეიჰი ვე სელლემ) სულიერი სამყაროს, ნათესავებისა და ახლობლების მონაცემები. შუამავლის (სალლალლაჰუ ალეიჰი ვე სელლემ) პიროვნება საჭიროებს ყოველმხრივ და უფრო დახვეწილ შესწავლას. ჩვენ იმედი გვაქვს, რომ ახალგაზრდა მეცნიერები გააგრძელებენ თავიანთ მუშაობას ალლაჰის შუამავლის ცხოვრებისა და სხვა თვისებების წარმოსაჩენად.

როგორც ვიცით წმინდა წიგნი ყურანი არაბულ ენაზეა გადმოვლენილი. გამომდინარე აქედან, ამ პატარა ბროშურის შესწავლით, პირველ ნაბიჯებს გადადგამთ წმინდა ყურანისკენ და ამით შესაძლებლობა მოგეცემათ თავისუფლად წაიკითხოთ იგი. გარდა ამისა ბროშურაში მოცემულია, ყურანის ზოგიერთი სურა, სხვადსხვა ვედრებები და 32 ფარძი, (აუცილებლობა) რომელიც ყველა ზრდასრულ და ჭკვიანმა მუსლიმმა კარგად უნდა იცოდეს.

რელიგია ისლამი, რომელიც ადამიანთა აღზრდას ძირითადი რელიგიური პრინციპების საშუალებით ახდენს, სიცოცხლის აზრსა და დედამიწაზე ყოფნის მიზანს გვასწავლის. დაბადებიდანვე ადამიანი აღზრდა - განათლებას იღებს და მთელი ცხოვრება იღწვის სულიერ სრულყოფილებისათვის, ეს პროცესი გარდაცვალებამდე გრძელდება. ასევე აუცილებელია გავითვალისწინოთ, რომ განუწყვეტელი სულიერი განვითარებისთვის, საჭიროა ყოველდღიური სწავლა და მიღებული ცოდნის პრაქტიკული განხორციელება.
ალლაჰის შუამავლის, როგორც `საუკეთესო მაგალითის მიერ, ისლამისკენ ადამიანთა მოხმობის ძირითად საშუალებად, მჭერმეტყველების და ლაკონურობის მწვერვალი, ყურანი გვევლინება, რომელიც არის ღვთიური სიტყვა. აი, სწორედ ამიტომ უზენასემა ალლაჰმა სამყაროს წარმოუდგინა უკეთილშობილესი მუჰამმედი (ს.ა.ს), როგორც საუკეთესო, მისაბაძი მაგალითი და მის კვალდაკვალ სიარული გვიბრძანა.
უზენაესი ალლაჰი ბრძანებს: ვფიცავ, ალლაჰის შუამავალი საუკეთესო მაგალითია თქვენთვის... სურა აჰზაბი 33/21)

ისლამის თვალსაზრისით, რელიგია არის ადამიანების ცხოვრების წესის მოსაწესრიგებლად, ერთი ღმერთის მიერ დადგენილი რწმენა, რომელიც გვაძლევს ცოდნას ადამიანის გაჩენის მიზნისა და იდუმალი აზრის შესახებ, ასევე გამჩენისადმი თაყვანისცემის შესრულების მეთოდებზე. ის მიმართავს გონიერ ადამიანებს მაღალზნეობრივი, ღვთისნიერი საქმეების შესრულებისკენ, რელიგია ასევე არის ღვთიური კანონი, რომელიც ადამიანებზე გადაცემულია უზენაესი გამჩენის მიერ მისივე შუამავლების მეშვეობით. ეს რწმენა საშუალებას აძლევს კაცობრიობას მოიპოვოს ბედნიერება, როგორც მიწიერ, ასევე მარადიულ ცხოვრებაში.

თქვენს ხელთ არსებული წიგნი ორი თავისგან შედგება. პირველი ეძღვნება ქალის ღირსებას ისლამში, ხოლო მეორე ქალის უფლებებს ისლამში. ასევე აქ განხილულია ისეთი აქტუალური თემები, როგორებიცაა, ქალისა და მამაკაცის თანასწორობა, ქორწინება, გაყრა, ხიჯაბი, ანდერძი და მრავალცოლიანობა.

ამ წიგნში მოკლედაა მოყვანილი ყველა ის პოსტულატი, რომელიც სანიმუშო ოჯახის შესაქმნელადაა აუცილებელი. აქ ჩამოთვლილია ის წესები და პრინციპები, რომლებიც ქორწინებაში უმაღლესი მიზნების მისაღწევად არის საჭირო, ასევე ამასთან დაკავშირებული ცხოვრებისეული მაგალითები. გარდა ამისა წიგნში აღწერილია ეპიზოდები ისლამის ზოგიერთი უდიდესი მოღვაწის და პირველ რიგში წმინდა შუამავლის ცხოვრებიდან.

კაცობრიობის ისტორიაში განსაკუთრებულადაა მიჩნეული „ასრი საადათის“ პერიოდი. ეპოქა, რომელშიც ქმნა სიკეთისა, კეთილგონიერება, ზნეობრიობა, სამართლიანობა, კაცთმოყვარეობა, შეთანხმებული იყო ალლაჰის ნებასთან და მორალურ კრიტერიუმებთან. ეჭვგარეშეა, რომ ყოველივე ზემოთქმული უკავშირდება პერიოდს, როდესაც დედამიწაზე მისი მადლმოსილება ანათებდა.