ISLAMIC PUBLISHING

Tukimtambua leo, naye atatutambua kesho mbele ya ule mkusanyiko mkubwa wa Siku ya Mwisho. Tukifikia hali ambayo tunamuona katika uhalisia basin aye atatuona. Tukisikiliza na kufanya kama asemavyo, atavisikia vilio vyetu na kutushika mkono. Kwa namna hii, tutakuwa kielelezo cha mfano wake mwema kwa wengine. Huu ndio wema mkubwa kabisa kuliko wote.

Hijja ni kuyabadilisha maisha haya kwa matendo mema na hutumika kutoa ahadi kwa Mwenyezi Mungu ya kudumisha mazuri yanayopatikana wakati wa hijja pindi unaporudi nyumbani kutoka kwenye maeneo haya matakatifu.

Kabla ya uumbaji wa ulimwengu, Mwenyezi Mungu Mtukufu alikua ni hazina iliyofichika. Akapenda kujulikana , ndipo akaumba vyote vilivyopo. Upendo wa Mwenyezi Mungu ndio kiini cha mapenzi yote na Mwenyezi Mungu amefanya aina nyingine za upendo ni kama hatua za maandalizi na zenye kumuinua mja kuelekea kwenye upendo wa Mwenyezi Mungu.
-Usikose nakala yako ya kitabu hili

Kutokana na masaibu ya zama zetu, ambapo tunakabiliwa na dhuluma, ukosefu wa huruma, upendo na imani, mwanadamu wa sasa amesongwa na kukabwa na ujinga wa zama za sasa. Njia pekee ya kuelekea kwenye tiba inapatikana katika kunufaika na siri kuu zinazopatikana ndani ya Nuru ya milele ya Muhammad (s.a.w).

Kuiingiza imani ndani ya moyo (ihsan), jambo ambalo ndilo lengo kuu la usufi, ni kuingia kwenye tafakari ya kiroho yenye kuendelea pamoja na kutambua kuwa upo chini ya uangalizi wa Mola.

Kuvuta pumzi ya mwisho ni jambo lisilokwepeka kwetu wanadamu. Swali muhimu kulitengezea majibu kwa wakati huu ni jinsi gani utaivuta? Kwa kila pumzi maisha yetu yanarefuka, lakini siku moja suala hili litasimama. Ustadh Othman Nuri Topbas ametupatia ukumbusho adhimu wa namna ya kujindaa na umauti ndani ya kitabu hiki, wapo walioishi maisha furaha yakeli lakini wakaikosa ladha nzuri ya pumzi hiyo wakatamani kuongezewa japo sekunde chache ili warekebishe hali zao hizo za mwisho na pia wapo walioishi pasi na kujali wala kufahamu umuhimu wa maandalizi ya jambo hili lakini mwisho wa uhai wao wakabadilika, wakaamini na kujikuta wakiivuta pumzi hiyo kati hali ya salama na amani.

Maisha ya mwanadamu hutumika kwa hali moja au nyingine, jambo muhimu ni jinsi gani yanatumika, aidha yatumike katika uchamungu yawe ya Ikhlas kwake au yatumike katika ujahili na yasiwe na maana yoyote.Taqwa ni kule kuyadhibiti matamanio ya kimwili na kuimarisha nguvu ya kiroho kwa binadamu.Hivyo Taqwa huhitajika katika kila eneo la maisha, katika imani, ibada, mahusiano yetu na wengine na hata katika kila pumzi ya uhai wetu. Mafanikio ni jambo ambalo kila mmoja wetu anahitajia kupata. Allah anasema Kwa hakika amefaulu aliyeitakasa nafsi yake, (Ala, 87:14).

Mwenyezi Mungu Mtukufu aliujalia uhai kwa siri pekee: Ameuumba kutokana na upendo. Kwa sababu hiyo, kuna upungufu popote ambapo upendo haupo na kuna alama za ukamilifu popote upendo ulipo. Ndio maana njia pekee kwa binadamu kufikia radhi za Mwenyezi Mungu Mtukufu na uombezi wa Mtume (s.a.w) - na hivyo kupata wokovu katika dunia hii na Akhera - ni ukweli rahisi ulio ndani ya siri ya upendo. mwandishi Othman Nuuri Topbash ameuelezea ukweli huu katika kitabu hiki, wale wenye kuujua ukweli huu wakatii maagizo yake hupata hisia kali katika nyoyo zao, Allah atujaalie miongoni mwa walioujua ukweli huo. Na kuifuata njia iliyonyooka.