ISLAMIC PUBLISHING

Ушбуда ҳозирги кунда авж олиб бораётган атеизм, деизм каби иллатларнинг келиб чиқиши, моҳияти ва уларнинг оқибатлари ёритилган. Ҳар хил назариялар билан тўлган, ёт ғоялар тарғиб қилинаётган, шууримиз учун хавфли ва синовли давр ҳозир. Бу китоб эса айни шу ётликлардан ҳимояланишимиз, муқаддас Ислом динимизни янада чуқурроқ англашимиз ва имонимиз мустаҳкамлигини сақлашимизда ёрдам беради.
Китобда оммавий маданият ва Ғарбнинг айрим чиркин ғоялари, тарғиботлари бир қадар очиб берилган ва тушунтирилган. Биз қачон атрофимиздаги бадбинликларни англаб етсак, ўшанда уларга қарши тура оламиз, айтар сўзимиз бўлади. Атрофимиздагиларни ҳам жирканч ғоя ва тарғиблардан сақлай оламиз. Шу маънода қўлингиздаги китоб ҳам сизга манфаат беради.

Маънавиятга ташна, қобилиятли кишилар жами ҳодисотни ҳам ақллари, ҳам кўнгил сезгилари ила талқин қилишади. Шунинг учун бало ва мусибатлар олдида уларнинг таваккул ва қувватлари янада зиёда бўлади. Чунки тасаввуф, аввало, илоҳий тақдир тасарруфидаги ҳикмат, сирларни идрок этиш, улар орқали тасалли, хотиржамлик ва ҳаловат топишни таълим беради. Зеро, Холиқ махлуқларини шунчаки яратмаган ва ўз ҳолига ташлаб ҳам қўймайди.
Хусусан, инсонни маълум синовлардан ўтказиб, камолга, юксак мақомларга кўтаради. Қўлингиздаги асар ушбу йўлда даража ҳосил қилишда муҳим пиллапоя вазифасини ўтайди, иншааллоҳ.

Муаллифнинг китобларидан жамланган ушбу гўзал асар, асосан, таълим фидойилари учун қўлланма бўлиб хизмат қилади. Ҳар бир масала хусусида саҳифаларни тўлдириш мумкин бўлсада, барчага қулай бўлиши учун ихчам ҳолда баён этилган бу ибораларни мусулмон сифатида кундалик ҳаётимизга татбиқ этишимиз мумкин.

Ярми ваҳший, кўп қисми одамийликдан бехабар бўлган бир гуруҳ жоҳиллардан иборат бу инсонлар Расулуллоҳнинг зоҳирий тарбияси ва ботиний таъсири натижасида саҳоба деб аталган зотларга айландилар ва хаёлга ҳам келмайдиган мартабаларга кўтарилдилар.
Пайғамбаримиз алайҳиссаломнинг бутун умри турли хатолар, ёмонликлар ва зулмга қарши кураш билан ўтди. Хоҳ кофир, хоҳ мўмин-мусулмон бўлсин – ҳар бир инсоннинг ҳаққига риоя қилдилар. Натижада қон кўли ҳолига тушган саҳролар ҳузурбахш чаманзорларга айланди. Инсоният тарихида мисли кўрилмаган маданиятнинг тамал тоши қўйилди. Замонавий жаҳолат авж олган бугунги кунимизда адолат, марҳамат, муҳаббат ва иймон билан тўлақонли инсонликка қайтиш учун раҳмат Пайғамбарининг гўзал ахлоқидан насибадор бўлиб, Ислом ила қайта тирилишимиз зарур.

Турли мақолаларимиздан тўплаб ва баъзи янги мисолларнинг ҳам иловаси билан ёзилган ушбу китобда, у муборак аср моҳиятини яна ҳам яхши идрок қилинишини мақсад қилдик. Ушбу мақсад билан, иймон, ибодат, муомала ва ахлоқда қанчалар мухлислик уйғотувчи ривожланишнинг ҳукм сурганига доир, у асрнинг ҳисобсиз ибрат ва фазилат тасвирларидан баъзи мисоллар билан мавзумизни яна ҳам аниқ бир ҳолатга келтиришни орзу қилдик. Ушбу китоб Саодат Асри Жамиятининг исломий яшаш тарзи, иймон мустаҳкамлиги, ибодатга бўлган эътибори, бизларга ибрат бўлган гўзал аҳлоқи ҳақида маълумот беради. Инсониятни зулматдан нурга чиқарган Исломнинг тенгсиз гўзалликларини, айниқса назокат ва латофатини фақатгина Саодат Асрининг кўнгил иқлимига кира олишлик билан яқиндан ўргана олишлик мумкин бўлади. Китоб ислом тарихига қизуқувчи ва кенг китобхонлар оммасига мўлжаланган.

Мана шу қулингизда асаримизда сизларга, қуйида қисқача сўзлаганимиз мавзуларни Парвардигоримизнинг изни билан ожизона тақдим этишга харакат қилдик. Барча ғайратимиз, Аллоҳга улашишда ягона воситамиз бўлган Жаноби Пайғамбаримиз саллаллоҳу алайҳи вассалламга яқинлаша ола билишлик ва лойиқ уммат бўлишликдир. Бунинг учун эса, хар сонияда бутун умримизни Унинг Суннатига ажратмоқ, аҳлоқи билан ички дунёмизни зийнатландирмоқ, моддий ва маънавий борлиқ, қобилият ва истеъдодларимизни бу йўлда фидо қилмоқ керакдир. Саодатнинг чўққиларига эриша олмоқ фақатгина бу билан бирга мумкин бўлади. Мана шундай саодатдан насиб олмоқ нияти билан ойна мартабасидаги сахоба-и киром ва Ҳақ дўстларининг фойдали ва файзли насиҳат, рухоният ва харакат гўзалликларини қимматли ўқувчиларимизга тақдим этишга харакат қилдик.

Ушбу китоб 2007 йилнинг ЮНЕСКО тарафидан Мавлоно Жалолиддин Румий йили деб эълон қилиниши муносабати билан қайта нашрга тайёрланди. Мавлоно, бир иймонга чақирувчи, мохир бир кўнгил табибидир. У каби Ҳақ дўстларининг; ёмғир суви каби соф, дарёлар мисоли чуқур, туйғули, сирли ва хикматга тўла, анхор каби шаршара бўлиб оқиб кўнгилларга оби-хаёт бахш этган ифодаларига доимо мухтожмиз. Ҳазрати Мавлононинг етти юз йил аввал буюк бир иштиёқ ва жўшқинлик билан қаламга олган Маснавий Шарифи, шак-шубҳасиз ўчмас бир кўнгил асари қатори, ўша кундан бугунги кунгача кўнгилларда тахт қуриб келмоқдадир.

Ушбу асарда оламларга раҳмат ўлароқ юборилган мавжудотлар занжирининг сабаб ва чўққиси бўлган ҳазрати Пайғамбаримиз Муҳаммад Мустафо (саллоллоҳу алайҳи вассалам)нинг ҳаётлари ва у зот шахсиятларининг баъзи қирралари ёритилади. Шу нарса бир ҳақиқатки, илк яратилган нарса У зот (саллоллоҳу алайҳи вассалам)нинг нуридир. Бутун мавжудотлар шу нурнинг ҳурмати учун пайдо қилингандир. Шунинг учун ҳам унинг иловаси ҳисобланадилар. Ожизона ёзилган бу асаримизда, Ҳазрати Пайғамбар саллаллоҳу алайҳи васалламнинг ўрнак ва ноёб хаётини сатрларга сиғдиришга ҳаракат қилишимизнинг асосий сабаби, инсониятнинг аксарият ҳолатда моддага ва куч-қувватга ром бўлиб, бетоб ва бечора қолган кўнгилларга Унинг руҳониятидан бир товланиш тақдим этмоқдир.

Ҳақиқатан ҳам, сўнгги нафас топ-тоза, силлиқ ва тиниқ ойнадек. Ҳар бир инсон бу ойнада умрини яхши-ёмони билан бирга, аниқ-тиниқ ҳолатда кузатишга муваффақ бўлади. Бу лаҳзаларда кўз ва қулоқларга ғафлат пардаси тушмайди. Билъакс, барча пардалар кўтарилиб, кишини ҳар хил иқрорликка — ақл ва виждоний пушаймонлик иқлимига туширади. Шундай экан, сўнгги нафасимиз ҳаётимизни пушаймонлик билан кузатадиган ойнамиз бўлмасин! Бу ойна ҳали Қуръони карим ва суннати сонийя ҳолида яшаётганимиздаёқ ҳаётимизга дохил бўлсин. Зеро, ҳақиқий бахтиёрлар ўлим билан танишмасдан аввал уни таниганлардир.
Умумий қилиб айтиш мумкинки, тасаввуфсиз мусулмонлик бўлиши мумкин, фақат бу «эҳсон» меъёридан маҳрум мусулмонники бўлади. Яъни маънавий таълим-тарбия ҳисобланган тасаввуфдан айри исломий ҳаёт кишини «Аллоҳни кўриб тургандек бандалик мароми»га етказолмайди.
«Сўнгги нафас» номи билан қаламга олганимиз бу асарда сизга тақдим қилмоқчи бўлганларимиз қисқача булардан иборат.

Замонамизнинг иқтисодий ва тижорий ҳаётида энг кўп учрайдиган баъзи хатолардан қайтариш ва тўғриларини тавсия қилиш ниятида ушбу китобчани сиз қадрли китобхонларга тақдим этмоқдамиз.

Бу китобда Ислом фалсафаси билан инсонларнинг бирламчи ва бир-бирига зит фикрий қарашлари таҳлил ва таққос этилиб, натижалари очиқланган. Инсоният тарихи бўйича ўртага чиқган ва бир томонлама, яъни моддият узра қурилган фикрий тизимлар мувоффақиятга эриша олмагандир. Яъни, ҳаётнинг моддий ва маънавий жабҳаларида қаршимизга чиқган муаммоларнинг ечимида ожиз қолгандир. Бугунга қадар инсон зотининг ақлий малакаси моддият узра ривожлангандир. Ҳолбуки, фақатгина моддият узра келишган ақл, инсонларни очкўзлик ва ваҳшийликга етаклагани ҳаммага маълумдир. Агар-да ақл фақатгина инсон зотининг ихтиёрига ташлаб қўйилсайди, ер юзида фитна ва фасод ўртага чиқар, буюк фалокатларга йўл очарди. Мана шунинг учун ки, Аллоҳ Таоло Ҳазратлари бандаларига муҳталиф замонларда пайғамбарлар ва китоблар юбориб, уларни тўғри йўлга чақиргандир. Энг охирги пайғамбар Муҳаммад (С.А.В) Ҳазратлари ўзларига берилган муқаддас Қуръони Карим билан инсон ақлини ва тафаккурини мутаносиб бир ўлчовда тамомлаш учун курашганлар. Ислом инсонлар орасидаги муомалани, инсон ва коинот, инсон ва Яратгувчи орасидаги алоқаларни бир бирлари билан чамбарчас боғлаган ҳолда инсон тафаккурини мутаносиб бир шакилда ривожлантириб, инсон зотини улвиятга эриштиргандир. Ислом дунё қарашига зит бўлган барча фикирлар ва фикрий оқимлар инсониятни таназуллга етаклагандир ва етакламоқдадир. Шунинг учун ҳам инсонлар, фақат ва фақат Исломнинг мутаносиб ижтимоий ва маънавий фикрий тизими асосида бахтли бўла оладилар.