ISLAMIC PUBLISHING

Ky libër i vogël është përgatitur për t’u dhënë sadopak fllad pranveror zemrave tona nga personaliteti i veçantë dhe morali madhështor i Krenarisë së Gjithësisë, të Nderuarit tonë (a.s.) dhe për të paraqitur disa faqe të vogla nga ajo figurë e jashtëzakonshme.

Kjo vepër i përcjell lexuesit në formën e mesazheve të shkurtra disa urtësi dhe të vërteta të domosdoshme për njeriun e sotëm, të cilat burojnë prej udhëzuesit tonë drejt lumturisë së përjetshme, Kuranit Fisnik, prej sunnetit të Profetit (a.s dhe botës shpirtërore të robërve të devotshëm të Krijuesit. Me anë të këtyre perlave rreth të vërtetave ekzistenciale, çdonjëra prej të cilave është si përmbledhje e një artikulli, dëshirojmë të qetësojmë shpirtrat tanë dhe t’i thellojmë zemrat tona në atmosferën e meditimit.

Zoti i madhëruar kërkon nga ne të jemi të devotshëm, të përkushtuar në çdo hap, në çdo frymë të jetës në besim, adhurime e vepra. Të jesh i përkushtuar do të thotë të jesh mik me Zotin e madhëruar, të fitosh Xhenetin me mirësinë e Tij, të zotërosh një zemër të pastër e cila përthith pasqyrimet e madhështisë hyjnore dhe qëndismat e fuqisë absolute në gjithësi.
Me një shprehje tjetër “sinqeriteti dhe përkushtimi” përbëjnë edukimin e shpirtit me misterin e ajetit kuranor: “Ka shpëtuar ai që është pastruar.” (A’la, 14) Përbëjnë atë nivel shpirtëror ku zemra shijon sjelljet e përshtatshme me kënaqësinë e Zotit në besim, adhurime dhe vepra.

Pa kuptuar, pa njohur, pa ndjekur dhe pa e përjetuar shpirtërisht gjendjen e Profetit, as besimi ynë nuk mund të jetë i plotë, as Kurani nuk mund të kuptohet siç duhet dhe as ibadeti nuk mund të kryhet siç duhet.

Vepra që keni në duar, “Fshehtësia dhe urtësia” është një libër i përbërë nga fjali të ndërlidhura fort me titullin e saj. Është një vepër e rëndësishme e cila përmban shprehje të shkurtra që kanë rrjedhur nga emra e hoxhës sonë të nderuar Osman Nuri Topbash. Ky është një libër përmbledhës, një libër i veçantë ku kryesisht janë përdorur shprehje të zgjedhura nga shkrimet e hoxhës së nderuar dhe një pjesë tjetër, prej librave të tij... Qëllimi ynë, është t’u ofrojmë një ilaç urtësie që mund të bëhet shërim për zemrat dhe mendjet që përpëliten në njëmijë e një strese, depresione dhe hidhërime të kësaj bote.

Të marrësh, qoftë edhe pak hise nga persona¬liteti i tij i pashembullt dhe morali i tij i lartë, do të thotë të çelësh një shteg drejt lumturisë së përhershme. Për këtë shkak, duke pasur për qëllim të njohim sa më afër këtë Personalitet të lartë, vendosëm të shkruajmë këtë vepër modeste, me gjithë mangësitë dhe dobësitë që mund të ketë. Edhe në veprat tona të mëparshme kemi ofruar të dhëna që kanë të bëjnë me personalitetin e Profetit (a.s) Ndoshta fjalët tona nuk janë të atij niveli që meriton Ai, por të gjithë ne jemi të obliguar ta falënderojmë Atë, dhuratën më të madhe hyjnore, duke rrëfyer dhe shkruar rreth Tij dhe duke jetuar si Ai. Detyra jonë parësore është që, në kuadër të mundësive tona, të bëhemi ura, të cilat do të transmetojnë mëshirën dhe paqen e Tij që përfshin tërë botët, deri në fundin e saj, kur ajo do të shkatë¬rrohet në kiamet. E kemi për borxh që, në kuadër të aftësive tona, t’ia prezantojmë gjithë njerëzimit në formën sa më të bukur atë kryevepër që qëndron në kulmin më të lartë.

Ky libër që keni në dorë, është një përmbledhje e shkrimeve që janë botuar në revistën tonë të përmuaj¬shme “Shebnem”. Këtu do të gjeni një pjesë të parimeve të rëndësishme islame që duhen përvetësuar për të bërë një jetë të devotshme, të zbukuruar me sinqeritet dhe përkushtim në bazë të dashurisë dhe urtësisë. Me qëllim që shpirti ynë t’i përvetësojë sa më mirë këto parime, jemi munduar që të gjitha temat t’i shpjegojmë shkurt dhe në mënyrë të përmbledhur me anë të tregimeve historike dhe biografive të profetëve, sahabëve fisnikë, dijetarëve, të urtëve dhe njerëzve të dashur të Allahut.

Kur studiohen shumë ngjarje historike botërore evidentohet se fillesën dhe burimin e kanë pasur tek mendimet dhe imagjinatat e mëdha. Kur këto ngjarje që ndryshojnë historinë e botës kanë për qëllim fitimin e dashurisë së Allahut, paraprihen nga një sërë shenjash paralajmëruese. Edhe krijimi i shtetit osman i cili ka qenë një nga perandoritë më të mëdha të historisë, është paralajmëruar nga një përgëzim hyjnor. Ky libër trajton pikërisht një udhëtim imagjinar nëpër histori duke nxjerrë mësime dhe mesazhe për rininë.

Ky libër ka për qëllim të prezantojë sa më afër Pejgamberin a.s. Ky libër modest është një përpjekje për të transmetuar mëshirën dhe paqen që ka predikuar Pejgamberi a.s për gjithë botët. Duhet të pranojmë që fuqia dhe mundësitë tona nuk na e bëjnë të mundur ta njohim si duhet Profetin j. Ne jemi të paaftë për ta njohur atë si duhet. Perceptimet tona për të janë të cekëta. Sepse ai është si një oqean i paanë. Dhe përfshirja e një oqeani në një gotë ujë është e pamundur.

Ky libër është pjesa e parë e librit urtësi nga të dashurit e Allahut, I cili është një shëtitje në urtësitë e botës shpirtërore. Libri synon të mbrujë zemrat me urtësi dhe këshilla nga njerëzit e dashur të Allahut për një rrugëtim më të lehtë dhe të sigurtë në këtë botë të përkohshme dhe të mbushur me sprova. Duke medituar dhe reflektuar mbi këto urtësi bota shpirtërore mund të bëhet një pasqyrë që pasqyron bukuritë e botës së tyre shpirtërore.

Në këtë vepër, janë dhënë shembuj prej Profetit tonë, sahabëve dhe njerëzve të Devotshëm për mënyrën si kanë predikuar Islamin. Ky libër shpalos entuziazmin e tyre të besimit, përpjekjet e tyre në urdhërimin e të mirës dhe ndalimit ngakeqja dhe ndjenjën e tyre përgjegjësisë për mbarëvajtjen e botës në kohën e tyre. Po ashtu, janë përmendur edhe sihariqet që i janë premtuar umetit fatlum që do të çojë në vend detyrën e kumtesës Islame në kohën e fundi dhe kemi folur për gjynahet dhe rreziqet që na presin nëse këto detyra neglizhohen.

Në këtë libër, në mënyrë të përmbledhur zënë vend njohuri të nevojshme për një familje të qetë e cila do të ndërtohet me kriteret Islame. Këtu janë shpjeguar rregullat dhe parimet e duhura për realizimin e qëllimeve të larta në një martesë dhe, në lidhje me këto, janë dhënë disa shembuj shpjegues. Gjithashtu, janë dhënë edhe shembuj nga jetët e të mëdhenjve të Islamit, e veçanërisht nga jeta e Pejgamberit (a.s.). Në këtë mënyrë, është mbajtur parasysh qëllimi për t’i siguruar lexuesve tanë të nderuar një mendim dhe botëkuptim më të qartë dhe më të pastër.